“Solidariteti për Sigurinë Globale”/ Nis sot punimet dy ditore 'Forumi Strategjik i Bled 2023'

Konferenca e 18-të ndërkombëtare e Forumit Strategjik të Bled zhvillohet sot e nesër, më 28 dhe 29 gusht 2023 nën titullin “Solidariteti për Sigurinë Globale” dhe do të jetë forumi më gjithëpërfshirës dhe përfaqësues global deri më tani.

I kthyer tashmë në një traditë që merr jetë në fund të verës, “Bled Strategic” do të hapë punimet ketë të hënë.

Si një platformë gjithëpërfshirëse vihet re një pjesëmarrje e larmishme personalitetesh nga fusha e politikës, diplomacisë, ekonomisë, sektorit privat e publik dhe akademikë, të cilët mblidhen së bashku për të diskutuar sfidat kryesore në shekullin e XXI-të.

Në panelin e liderëve është kryeministri i Shqipërisë Edi Rama, i rrethuar nga kryeministri i Malit të Zi, Dritan Abazoviç, kryeministri i Kosovës, Albin Kurti. kryeministrja serbe, Ana Brnabiç, kryeministri i Bullgarisë, Nikolai Denkov, ai i Sllovenisë, Robert Golob, kryeministri i Maqedonisë së Veriut, Dimitar Kovaçevski dhe kryetarja e Këshillit të Ministrave në Bosnjë, Borjana Krišto.

Po ashtu në panel është i ftuar edhe presidenti i Këshillit të Evropës, Charles Michel, dhe presidenti kroat, Andrej Plenkoviç.

Liderët do të mblidhen në orën 14:30 të ditës së sotme, për t’iu lënë vend më pas tavolinave të diskutimit.

Konferenca ndërkombëtare e 18-të e Forumit do të mbahet nën titullin “Solidariteti për sigurinë globale”.

Qëllimi i Forumit është të inkurajojë aktorët pjesëmarrës për të diskutuar dhe shkëmbyer mendime dhe për të gjetur zgjidhje novatore për sfidat rajonale dhe globale.

Aktivitetet e mbledhjes së fondeve do të përfshijnë thirrje për pjesëmarrësit për të dhuruar fonde për lehtësimin e përmbytjeve. Do të ketë gjithashtu një koncert për mbledhjen e fondeve të organizuar nga Presidentja e Republikës së Sllovenisë, Natasha Pirc Musar dhe një darkë donatorësh me drejtues të biznesit nga kryeministri, Robert Golob.

Në Konferencë do të ketë një pjesëmarrje të madhe të të ftuarve që vijnë nga të pesë kontinentet.

Në total, Forumi Strategjik i Bled-it të këtij viti do të presë 32 sesione paneli dhe më shumë se 200 folës. Tetë kryeministra, tre presidentë, presidenti i Këshillit Evropian, 14 ministra të Jashtëm dhe shumë të ftuar të tjerë të nivelit të lartë, si dhe anëtarë të Forumit Strategjik Bled, shoqëri civile, organizata ndërkombëtare, biznesmenë, vendimmarrës dhe akademikë kanë konfirmuar pjesëmarrjen e tyre.

Këtë vit, Forumi synon të forcojë më tej partneritetin e tij me grupet kryesore ndërkombëtare të mendimit si CEBRI – Brazil, Qendra për Kinën dhe Globalizimin – Kinë, Fondacioni i Kërkimeve Observer – Indi, Friedrich-Ebert-Stiftung – Gjermani, Laboratori i Diplomacisë Globale – Gjermani, BMË Fondacioni – Gjermani, Interpeace, që kanë qenë aktivisht të përfshirë në përgatitjen e përmbajtjes së debateve specifike.

Konferenca do të shtrihet në dy ditë dhe pritet diskutim edhe për Ballkanin Perëndimor.

“Ballkani Perëndimor, çdo gjë ndryshon por çdo gjë mbetet po njësoj”.

Titulli i Forumit, “Solidariteti për Sigurinë Globale”, është një vazhdim kuptimplotë i sloganit të fushatës së Sllovenisë për KS të OKB-së, “Ndërtimi i besimit – Sigurimi i së ardhmes”.