Përfaqësues të Aleancës për Mbrojtjen e Teatrit kërkuan sot informacion në SPAK lidhur me ecurinë e hetimeve për 16 kallëzime të tyre.
Avokatja Adriana Kalaja kërkoi takim me kreun e SPAK Arben Kraja, duke u shprehur se ky i fundit takon pa protokoll ambasadoren amerikane Yuri Kim.
Kemi kërkuar pezullimin e fondit të akorduar për ndërtimin e teatrit të ri. Ndërkohë që Falcone-n e vrau mafian, ne në pushtet kemi mafian që po vret identitetin, po shkatërron historinë, trashëgiminë kulturore. Projekti për Butrintin është një tjetër akt korruptiv. Është koha që SPAK-u të lëvizë. SPAK-u të ngrihet mbi presionet e zyrtarëve të lartë. Ne kemi rikërkuar një ritakim me kryetarin e SPAK-ut. Ndërkohë që kryetari i SPAK takon pa protokoll ambasadoren Yuri Kim. Kemi kërkuar një informacion të hollësishëm se ku ndodhen hetimet dhe çfarë është bërë me kërkesën për bashkimin e dosjeve tona me ato të KLSH. Nga ky shesh i bëj thirrje SPAK-ut të veprojë sot, sepse çdo ditë që kalon është në dëm të interesave të shqiptarëve”.
Aktori Mehdi Malkaj në fjalën e tij u shpreh se “drejtësia e re është më e vjetër se drejtësia e vjetër”.
Ndërsa regjisori dhe aktori Edmond Budina tha se Shqipërisë sot i duhet një prokuror si Giovanni Falcone.
Kanë kaluar 30 vjet nga vrasja e Giovanni Falcon-es, shumë i kanë harruar emrat e politikanëve dhe mafiozëve, por emri i Falcones jeton. Do të doja që këtu të kishim një Falcone, jo të vdekur, por që tregon që drejtësia jeton dhe për të luftuar kundër mafias”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
