Linjat e mëdha ajrore amerikane kanë rikthyer disa fluturime pas ndërprerjes së tyre, që u shkaktuan nga një ndërprerje globale e IT.
Ndërprerja, që preku po ashtu bankat dhe shërbimet e urgjencës në të gjithë botën, është shkaktuar nga një përditësim i gabuar i softuerit nga firma e sigurisë kibernetike Crowdstrike.
Delta Airlines, e cila është kompania e dytë më e madhe në botë për nga numri i pasagjerëve, kishte ndaluar të gjitha fluturimet e saj, por më vonë tha se disa kishin rifilluar.
American Airlines gjithashtu ndaloi fluturimet e saj më herët, por ka rifilluar shërbimin.
Crowdstrike ka kërkuar falje dhe tha se çështja "është identifikuar, izoluar dhe është vendosur një rregullim". Aktualisht nuk dihet se kur do të zgjidhet çështja.
Gati 28,000 fluturime janë vonuar dhe më shumë se 3,000 janë anuluar, sipas FlightAware.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
