Ky fillim gushti nuk e ka ulur aspak përkushtimin e ish - kryeministrit, Sali Berisha për të denoncuar me anë të rrjetit social Facebook rastet që sipas tij vërtetojnë implikimin e ekzekutivit Rama me mbjelljen e kanabisit në zona të ndryshme të vendit. Mbasditen e së mërkurës Berisha ka bërë një tjetër postim, nga ato që i senjalizohen nga “qytetari dixhital” mbi mbjelljen e kanabisit, por këtë rradhë paksa i pazakontë.
Qytetari dixhital dhe postimi i Berishës bëjnë publike një foto (ku nuk duket asnjë fije kanabisi) në oborrin e një vile në Memaliaj që sipas tyre madje është në pronësinë e kryekomunarit të fshatit “Qivrym”…
Duhet pranuar se u munduam të mblidhnim informacione mbi këtë fshat me emër paksa të pazakontë dhe ende nuk na rezulton asgjë as për komunën e as për kryekomunarin e kësaj perle të këtyre ditëve të nxehta gushti. Gjithashtu ende nuk dihet nëse Berisha është vënë në lojë keqazi nga qytetari i tij dixhital apo pikërisht kjo shaka është pjellë e tij. Një gjë mbetet e sigurt, po t’i hidhni një sy komenteve poshtë postimit, shumë demokratë “e kanë ngrënë”.
Postimi i Berishës në Facebook:
Ne kryeqytetin e Kanabistanit!
Qytetari dixhital denoncon:
Arat me kanabis te pushtetareve te Edvin Shullazit. sb
"doktor nuk munda te fotografoja me shume, pamje nga prapa viles se kryetarit te komunes se fshatit qivrym ne qytetin memaliaj"
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
