Në një deklaratë publike, Hezbollah thotë se lideri i saj Hassan Nasrallah ka vdekur.
“Eminenca e tij, mjeshtri i eezistencës, njeriu i drejtë, ka ndërruar jetë për të qenë me Zotin e tij”, thuhet në deklaratën e publikuar në Telegram.
Grupi dukej se konfirmoi se ai kishte vdekur në sulmet ajrore në Bejrut, duke thënë se vdekja e tij kishte ardhur “pas sulmit tradhtar sionist në periferinë jugore”.
Zotohemi për luftën kundër Izraelit dhe mbështetjen e vazhdueshme të Gazës dhe Palestinës, dhe mbrojtjen e Libanit dhe popullit të tij të palëkundur dhe të nderuar.
Televizioni Al-Manar i Hezbollahut filloi transmetimin e vargjeve të Kuranit pas njoftimit për vdekjen e Nasrallah.
Më herët gjatë ditës së sotme ishte ushtria izraelite ajo që tha se kishte vrarë liderin e grupit të mbështetur nga Irani në sulmin e së premtes në Bejrut, si dhe drejtues të tjerë të Hezbollahut.
Ushtria izraelite tha se shënjestroi selinë qendrore të Hezbollahut në periferinë jugore të Bejrutit, Dahiyeh, duke synuar liderin e grupit.
Sulmi erdhi ndërsa kryeministri izraelit po përfundonte fjalimin e tij në Asamblenë e Përgjithshme të OKB-së, duke thënë se Izraeli nuk do ta ndalojë luftën derisa të fitojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
