Kryetarja e LSI-së, Monika Kryemadhi, ka shkuar sot në Presidencë në cilësinë e kryetares së LSI-së, për konsultime lidhur me datën e zgjedhjeve.
E shoqëruar nga sekretari i Përgjithshëm i LSI-së, Endrit Braimllari, zonja Kryemadhi është pritur nga presidenti Meta në një takim formal.
Bashkëshortët Kryemadhi dhe Meta u fotografuan ndërsa bisedonin në lidhje me datën e zgjedhjeve, një temë për të cilën presidenti ka takuar sot edhe kryedemokratin Lulzim Basha.
Ky i sotmi është ndër të rrallat takime që Meta dhe Kryemadhi zhvillojnë para mediave në cilësinë e kryetares së LSI-së dhe presidentit të republikës.
Në deklaratat publike, Presidenti Meta është shprehur shpesh kundër strategjisë që ka ndjekur opozita, përfshirë edhe LSI-së, në aksionin politik, sidomos në rastin e djegies së mandateve.
Ndërsa Kryemadhi ka bërë shpesh fajtor presidentin për ardhjen e Ramës në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
