Një ngjarje e rëndë ka ndodhur në Dortmund të Gjermanisë, ku autorë të saj janë tre shtetas shqiptarë.
Sipas asaj që bëjnë të ditur mediat lokale në Gjermani, shqiptarët të maskuar dhe me armë, kanë hyrë brenda një banese përmes derës së ballkonit dhe kanë terrorizuar familjarët.
Mësohet se në apartament, ishte një çift bashkë me fëmijët e tyre. Kryefamiljari u përpoq të ndalonte 3 autorët, por u rrah brutalisht nga ata.
Sipas policisë lokale, dy nga tre autorët kanë terrorizuar familjarët duke i kërcënuar vazhdimisht me armë.
Ata vodhën para dhe bizhuteri e më pas u larguan sërish nga dera e ballkonit duke humbur gjurmët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
