Nga jodi te vitaminat/ Një në dy njerëz në botë merr më pak minkronutrientë se norma

<p>Gjysma e popullsisë së botës nuk merr sasi të mjaftueshme të 15 mikronutrientëve thelbësorë për shëndetin, duke përfshirë <strong><em>kalciumin, hekurin dhe vitaminat C dhe E.</em></strong></p> <p>Një studim i kryer nga Shkolla Harvard Chan në Boston dhe i botuar në The Lancet Global Health, i pari që ofron vlerësime globale të konsumit joadekuat të <strong>15 mikronutrientëve thelbësorë për shëndetin e njeriut</strong>, ka arritur në këtë përfundim.</p> <p>Mikronutrientët në nivele të pamjaftueshme janë një nga format më të zakonshme të kequshqyerjes në rang global dhe secila mungesë ka pasoja të caktuara shëndetësore, nga komplikimet e shtatzënisë deri te verbëria dhe rreziku i shtuar për sëmundje infektive.</p> <p>Studimi u përqendrua te pesëmbëdhjetë vitamina dhe minerale: <strong>kalcium, jod, hekur, riboflavinë, folate, zink, magnez, selen, tiaminë, niacinë dhe vitamina A, B6, B12, C dhe E</strong>.</p> <p>Studiuesit gjetën mangësi të konsiderueshme të pothuajse të gjithë këtyre elementëve.</p> <p>Në mënyrë të veçantë ra në sy <strong>mungesa e jodit </strong>(68% e popullsisë globale), <strong>vitaminës E</strong> (67%), <strong>kalciumit</strong> (66%) dhe <strong>hekurit</strong> (65%).</p> <p>Më shumë se gjysma e njerëzve konsumuan nivele të pamjaftueshme të riboflavinës, folatit dhe vitaminave C dhe B6.</p> <p>Nivelet e niacinës ishin më afër normës, 22% e popullsisë globale ka pamjaftueshmëri, e ndjekur nga tiamina (30%) dhe seleniumi (37%).</p> <p>Gratë më shumë se burrat kanë konsum të pamjaftueshëm të jodit, vitaminës B12, hekurit dhe selenit brenda të njëjtave grupmosha dhe vende.</p> <p>Ndërsa nivele të pamjaftueshme të kalciumit, niacinës, tiaminës, zinkut, magnezit dhe vitaminave A, C dhe B6 kanë më shumë meshkujt se femrat.</p> <p>Të rinjtë midis moshës 10 dhe 30 vjeç janë më të rrezikuar nga mungesa e kalciumit, veçanërisht në Azinë Jugore dhe Lindore dhe Afrikën Sub-Sahariane.</p> <p>/<a href="https://www.ansa.it/canale_saluteebenessere/notizie/medicina/2024/08/30/dallo-iodio-alla-vitamina-euna-persona-su-2-nel-mondo-e-carente_0e3e75fe-be1a-43b1-aa6c-a0aa08acdde5.html"> ANSA </a>/&nbsp;</p>