Prej kohësh në vend aplikohet turizmi malor, i cili nga viti në vit po pëlqehet akoma më shumë.
Edhe pse turizmi malor është në fillet e para në Shqipëri, për guidën malore dhe alpinistin Enis Shehu, i ftuar në emisionin “MCN live”, ndryshimi në të mirë po vërehet përditë e më shumë.
“Në këtë rast, sa i takon rajonit, Kosova është para nesh me organizimin , por edhe ne po ecim mirë. Aktualisht ofrojmë ecje nëpër male, ofrojmë turin me ski, Boga, p.sh. ka interes për fundjavë.
Me gjithë këtë, vështirësitë që hasen në sektorin e turizmit malor dhe alpinizmit, kanë të bëjnë më mungesën e ekipit të kërkim-shpëtimit.
“Për rritjen e sigurisë në sektorin e turizmit malor, e para neve na duhet një skuadër e kërkim-shpëtimit, sepse duke qenë se ne nuk kemi një të tillë, detyrohemi të gjitha rreziqet ti marrim vet për sipër. Planifikimi fillon që me vendosjen e shtegut, çfarë kahje do të maresh, do shikosh motin, dhe pastaj edhe pajisjet që duhet të marrësh me vete, kthetrat dhe kazmat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
