Në Maqedoninë e Veriut bilancet e koronavirusit vijojnë të qëndrojnë tepër të larta. Kjo pasi edhe në 24 orët e fundit janë rregjistruar 115 raste të reja, ndërsa fatkeqësisht kanë ndërruar jetë edhe 7 persona.
Numrin më të madh të të infektuarëve e ka patur Shkupi me 53 raste, më pas vjen Struga me 13 raste, Tetova me 8 raste dhe me nga 6 Dibra dhe Shtipi. Ndërkohë përsa i përket viktimave 5janë rregjistruar në Shkup ndërsa nga një Tetova dhe Krusheva.
Shqetësues është fakti 115 rastet e reja vijnë pas vetëm 1032 testeve, me një mesatare të të infektuarve në raport me numrin e testeve në 11 përqind, në një kohë kur mesatarja botërore është diku te 5%.
I vetmi lajm i mirë janë 40 të shëruarit, 26 prej të cilëve ndodhen në Skup.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
