Elon Musk humbi 33 miliardë dollarë pasuri neto në një ditë të vetme pas debatit të tij të ashpër me Donald Trump, sipas Indeksit të Billionaires të Bloomberg.
Shefi i Tesla-s është ende personi më i pasur në botë, me një pasuri neto prej 335 miliardë dollarësh, por siç thekson Bloomberg, kjo është një nga humbjet më të mëdha ndonjëherë.
Ndërsa grindja e tij me Trump shpërtheu në publik dje, aksionet e Teslës ranë me rreth 14.2% në mbyllje të tregut, duke fshirë afërsisht 152 miliardë dollarë nga vlera e kompanisë dhe duke e ulur në afërsisht 900 miliardë dollarë.
Ndërkohë Donald Trump po shqyrton mundësinë e shitjes ose dhurimin e Teslës së kuqe që bleu për të mbështetur Musk në muajt e fundit, tha një zyrtar i lartë i administratës për ABC, sipas të cilit Tesla ishte parkuar në West Executive Avenue në Uashington të enjten.
Marsin e kaluar, kur marrëdhënia midis të dyve ishte në kulmin e saj, përballë rënies së tregut të aksioneve të Teslës për shkak të tarifave, Trump, për të riafirmuar mbështetjen e tij për mikun e tij të atëhershëm dhe superkëshilltarin, njoftoi se do të shkonte të blinte një nga makinat e tij elektrike.
Tesla e kuqe u dorëzua më pas në Shtëpinë e Bardhë dhe manjati bëri një shfaqje me CEO-n e X.
“Dua ta blej këtë makinë. Lajmi i keq është se nuk mund ta ngas, nuk e kam ngarë për shumë vite”, tha ai, duke iu referuar rregulloreve të Shërbimit Sekret.
Do ta mbaj në Shtëpinë e Bardhë, stafi im do ta përdorë. Unë nuk mund ta ngasë. Është një produkt i shkëlqyer dhe ky njeri ia ka kushtuar gjithë jetën e tij kësaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
