Die Welt: Brexit do t’i kushtojë Gjermanisë tre miliardë euro në vit

E përditshmja gjermane “Die Welt” shkruan se dalja e Britanisë nga BE do të mund t’i kushtojë Gjermanisë tre miliardë euro në vit.

Në një të ardhme të afërt, Gjermania do të humbi financuesin e tretë neto më të madh të buxhetit të BE-së. Në një dokument të Ministrisë Gjermane të Financave lidhur me vlerësimin e pasojave të Brexit thuhet se kontributi vjetor i Gjermanisë mund të rritet në tre miliardë euro. Pra për Gjermanin, dalja e Britanisë nga BE-ja do të jetë e shtrenjtë.

Gjithashtu Gjermania është e shqetësuar se pas referendumit britanik, mund të kërkojnë gjithashtu të largohen nga BE edhe Franca, Holanda, Austria, Finlanda dhe Hungaria.

Në dokumentin e brendshëm të Ministrisë së Financave thuhet se Berlini nuk pret që kompanitë gjermane nuk do të kenë nevojë për ndihma.

Ndërsa  specifikohet se Berlini do t’i ofronte Londrës “negociata konstruktive për daljen nga BE”, por se “procesi i shkurorëzimit” sipas procedurave evropiane do të ishte i vështirë.