Vijojnë replikat në distancë mes kreut të PS-së së Tiranës, Saimir Tahiri, dhe kreut të LSI-së, Petrit Vasili. Pas deklaratës së Tahirit dy ditë më parë se “makinë me dy timonë nuk mund të ketë”, dhe kundërpërgjigjes së Vasilit se “ fundi i makinave me një timon dhe pa frena ka qenë gjithmonë i njëjtë”, ish-ministri i Brendshëm ka reaguar sërish.
Sipas Saimir Tahirit, gjatë katër viteve të qeverisjes ka pasur shumë shkopinj nën rrota dhe për këtë Partia Socialiste kandidon në zgjedhje me aleatin e vetëm, qytetarët e Shqipërisë.
“Dëgjova Petrit Vasilin që thoshte se është tahma e madhe të imagjinosh një makinë me një timon. Unë nuk e di pse i shkon mendja te tahmaja në fakt. Unë e quaj përgjegjësi, atij i shkon mendja te tahmaj, është puna e vet. Po të kesh mundësinë të qeverisësh këtë vend për shqiptarët, pa i zënë sytë me sherre, me shamata, nuk është tahma, është përgjegjësi. Dhe kjo është përgjegjësia jonë, e Partisë Socialiste dhe e Edi Ramës përballë çdo shqiptari që me të drejtë kërkon më shumë punë prej nesh’’, theksoi Tahiri, gjatë prezantimit të kandidatëve Vasilika Hysi dhe Rakip Suli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
