Rita Ora pushon në Korfuz, komentuesit në faqet e mediave greke e kritikojnë për qasjen pro Shqipërisë etnike

Prezenca e këngëtares shqiptare Rita Ora në ishujt grekë nuk ka mbetur pa u komentuar nga mediat dhe shtetasit grekë.

Pas pushime në brigjet spanjolle, Ora bashkë me të dashurin e saj Romain Gavras kanë vendosur të ndalojnë në Korfuz.

Të shtunën, në disa fotografi të publikuara në rrjetin social Instagram, 29-vjeçarja bëri të ditur se ndodhej në ishullin Korfuz të Greqisë.

Prezenca e saj nuk mund t’i shpëtonte edhe vëmendjes së mediave greke. Lajmin për prezencën e saj në Korfuz, “Protothema” e ka renditur si të katërtin më të rëndësishëm në faqe, ndërsa gjatë raportimit nuk është përmendur fakti se ajo është shqiptare.

Gjithsesi shumë nga komentuesit nuk kanë hezituar të shkruajnë se Rita Ora dhe Dua Lipa janë dy këngëtare që këmbëngulin për një Shqipëri Etnike.