Sulejman Starova, specialist futbolli, foli në emisionin “Skaneri i Botërorit” në MCN TV, për finalen e Botërorit mes Argjentinës dhe Francës.
Starova u shpreh se në fillim nuk po i besonte syve, referuar dominimit të madh të Argjentinës, ndërsa shtoi se me fitimin që trofeut nga argjentinasit, fitoi futbolli.
Nuk po i besoja syve në fillim, kur po dominonte vetëm Argjentina. Më pas filloi bukuria e ndeshjes. Unë them se fitoi futbolli, sepse pa dashje e gjithë bota u bë me Argjentinën, nuk di të them pse. Ne që jemi bërë tifozë me Messin, kemi parë gjithë këto vite mrekulli të përjavshme.
Ishte gjynah që ky lojtar të largohej nga futbolli pa marrë atë që meritonte. E udhëhoqi skuadrën drejt suksesit. Nuk pretendojmë që Messi të jetë më i miri tani, sepse ndikon edhe mosha. Nuk po i besoja vetes, që vetëm Argjentinën po shikoja të luante futboll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
