Japonia ka vendosur që t’i bashkohet vendeve të Perëndimit, për të përjashtuar disa banka nga sistemi Swift.
Kryeministri japonez, Fumio Kishida, njoftoi një lajm të tillë, duke deklaruar se vendi i tij do të aplikojë sanksione ndaj Presidentit rus, Vladimir Putin, dhe do të akordojë 100 milionë dollarë ndihmë humanitare, për emergjencën në Ukrainë.
Kishida dënoi sulmin e Rusisë ndaj Ukrainës, duke thënë se minon themelet e rendit ndërkombëtar.
Qytetarë të shumtë protestuan në kryeqytetin e Japonisë, Tokio të shtunën, kundër pushtimit rus ndaj Ukrainës.
Sistemi Swift, shërben si ndërmjetës për ekzekutimin e transaksioneve financiare, nëpërmjet bankave në të gjithë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
