Pas takimit të zhvilluar mesditën e sotme me demokratët e Degës 14 në Tiranë, kreu i PD-së Lulzim Basha ka dhënë një tjetër mesazh në rrjetet sociale.
Kryedemokrati thekson se përmes forcës politike që ai drejton demokratët do të lënë pas hijet e të shkuarës dhe mbetjeve të tranzicionit.
Partia Demokratike është e demokratëve që janë bashkuar rreth vlerave, duke lënë pas hijet e së shkuarës dhe mbetjeve të tranzicionit, që kërkojnë ta mbajnë peng Shqipërinë. Partia Demokratike është instrumenti i vetëm i shqiptarëve për ndryshim dhe një të ardhme më të mirë”, shkruan Basha në Facebook.
Gjatë takimit në Degën 14 Basha tha se sulmi ndaj shtëpisë së demokratëve u bë që PD t’i dorëzohej Ilir Metës. Po ashtu kreu i PD i mëshoi edhe njëherë idesë së Vetingut në politikë, duke u shprehur i gatshëm që ky proces të nis duke filluar prej tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
