Ish-kreu i sistemit të burgjeve të Sirisë, i cili aktualisht jeton në Karolinën e Jugut, është paditur federalisht në Los Anxhelos për shkelje të të drejtave të njeriut dhe tortura.
Kjo është bërë e ditur nga Departamenti Amerikan i Drejtësisë, sipas të cilit Samir Ousman Alsheikh, 72 vjeç, akuzohet për tre akuza për torturë dhe një për komplot për të kryer tortura.
Këtyre akuzave iu shtuan edhe mashtrimi me viza dhe tentativa për mashtrim të natyralizimit që çoi në një aktakuzë të parë në gusht.
Alsheik, i cili u transferua në SHBA në vitin 2020, drejtoi burgun qendror të Damaskut nga viti 2005 deri në vitin 2008, ku të burgosurit iu nënshtruan abuzimeve të tmerrshme.
Sipas aktakuzës, ai personalisht u ka shkaktuar vuajtje të rënda fizike dhe mendore të burgosurve, si dhe ka urdhëruar stafin e tij të kryejë akte të tilla.
Të burgosurit rriheshin ndërsa vareshin nga tavani ose i nënshtroheshin një pajisjeje të njohur si “qilim fluturues”, i cili i paloste trupat e tyre përgjysmë në bel, duke shkaktuar dhimbje torturuese dhe nganjëherë fraktura të shtyllës kurrizore.
“Shtetet e Bashkuara të Amerikës nuk do të jenë kurrë një strehë e sigurt për ata që kryejnë shkelje të të drejtave të njeriut jashtë vendit,” tha Eddy Wang, agjent special i ngarkuar me Fushën e Hetimeve të Sigurisë Kombëtare në Los Anxhelos.
Departamenti i Drejtësisë tha se Alsheikh mbante disa pozicione në policinë siriane dhe aparatin e sigurisë të vendit të Lindjes së Mesme.
Ai ishte i lidhur me Partinë Siriane Ba’ath dhe ishte guvernator i provincës Deir Ez-Zour në 2011. Alsheikh u transferua në SHBA në vitin 2020 dhe aplikoi për shtetësi në 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
