Pas reshjeve të ditëve të fundit, situata në vend është normalizuar. Lëvizja e automjeteve në gjithë akset kombëtare është normale. Në një njoftim për mediat , ARRSH informon për gjendjen e akseve rrugore në të gjithë vendin.
Në 3 qarqet e Veriut, Shkodër, Kukës dhe Dibër. Gjatë orëve të mëngjesit pati probleme me rrëshqitjet e dherave në aksin Qafa e Malit-Fierzë, por firmat kontraktore kanë ndërhyrë menjëherë duke e pastruar.
Ministri i Transportit, Sokol Dervishaj, ka dhënë urdhër për gatishmëri maksimale ndaj gjithë drejtorive rajonale të ARRSH, si dhe ka bërë thirrje për prani me mjete dhe punonjës shtesë.
Aktualisht lëvizja e automjeteve në gjithë akset kombëtare është normale. Ju bëjme drejtuesve të mjeteve që të tregohen të kujdesshëm.
· Qarku Tiranë
- Situata e qarkullimit është përmiresuar, nuk ka probleme për qarkullimin.
- Qarku Durrës
- Në zonën e Shkëmbit të Kavajës, është normalizuar situata e qarkullimit. Mjetet dhe forcat janë në gatishmëri.
- Në të gjitha akset qarkullohet normalisht.
- Qarku Elbasan
- Nuk raportohen probleme ne te gjitha akset e ketij qarku.
- Qarku Berat
- Nuk ka probleme për qarkullimin e mjeteve në akset e këtij qarku.
- Qarku Vlorë
- Në aksin Qafa e Dushkut – Kuç, është demtuar Ura qe lidh Lepenicen me Brataj, nga prurjet e lumit. Kalimi është devijuar deri në ndertimin e një ure të re.
- Qarku Berat
- Në akset e tjera të këtij qarku nuk ka probleme.
- Qarku Gjirokastër
- Në akset e ketij qarku nuk ka probleme për qarkullimin e mjeteve.
- Qarku Korçë
- Nuk ka probleme per qarkullimin ne te gjitha akset e ketij qarku.
- Qarku Kukës
- Në disa nga akset e këtij Qarku ka prani të materialeve në rruge. Firmat kontraktore po punojne me mjete dhe fuqi punëtore për pastrimin e akseve.
- Në aksin Fushe Arrez – Nyja Fushe Dukagjin, kalimi kryhet vetem për mjetet e vogla dhe furgonat, për shkak te shembjes se ndodhur para disa kohesh dhe shirave te diteve te fundit. Firma kontraktore po punon për mbajtjen nen kontroll te situates.
- Në aksin Krumë – Qafe Prush, në Vlane, ka një shembje në gjatesi rreth 50 ml, rruga është 1 kalimshme. Pjesa tjetër e aksit nuk ka probleme për qarkullimin.
- Në aksin B. Curri – Valbonë, kalimi kryhet me një korsi. Në vend ka prani të mjeteve dhe fuqi punëtore të shtuar të kontraktorit, të cilet bëjnë pastrimin e aksit nga rënia e herë pas hershme e gurëve dhe dherave.
- Qarku Dibër
- Në disa akse të këtij Qarku ka prani te materialeve , por pa problem per qarkullimin e mjeteve. Firmat kontraktore po punojnë me mjete dhe fuqi punëtore të shtuar për pastrimin e akseve.
- Aksin K. Hadroj – Qafe Bene, është hapur me dy kalime në të gjithë gjatësinë e tij. Megjithatë herë pas here ka rënie guresh e dherash nga rreshjet. Firma kontraktore po bën pastrimin e aksit.
- Tek Ura ne Hyrje të Urës së Klosit, ka dëmtime të shpatullave të urës, nga prurjet e lumit.
- Qarku Shkodër
- Qarkullimi është normal në akset e këtij qarku.
- Qarku Fier
- Kalueshmeria është normale në të gjitha akset e këtij Qarku.
- Qarku Lezhë
- Qarkullimi është normal në të gjitha akset e këtij Qarku.
