Në Konventën Kombëtare të LSI-së, kryetarja e kësaj partie Monika Kryemadhi ka dhënë dorëheqjen nga drejtimi i saj. Në krye të partisë tashmë është zgjedhur ish-Presidenti Ilir Meta.
Ky i fundit ka bërë publik për herë të parë edhe ndryshimin e emrit të partisë të cilën e themeloi në vitin 2004. Duke nisur nga sot, LSI do të quhet Partia e Lirisë. Ndryshimi i emrit vjen pas ndryshimeve statutore që u miratuan në fillim të Konventës.
“Nuk jam këtu për asgjë tjetër veçse për t’ju kërkuar që tu tregojmë të gjithëve atyre shqipfolësve gjakprishur që nuk kanë lidhje me ne, por t’i tregojmë dhe botës se3 ne jemi një popull me dinjitet, jemi popull europian, që padrejtësisht kjo mafie për interesat e saj por dhe të asaj ndërkombëtare që e kërkon Shqipërinë si një vend për pastrimin e parave dhe si një qendër për krimin e organizuar, tu themi që ky është vendi ynë, që ky është një vend me të cilin askush nuk mund të luaj. Kemi vetëm një rrugë dhe kjo rrugë është referendumi. Referendumi do të jetë shpata e Demokleut mbi të gjithë uzurpatorët, mbi oligarkët e pangopur. Do të jetë garancia se sovraniteti nuk i përket popullit vetëm në letër. E di që ju që jeni këtu si përfaqësues të LSI keni dhimbje për LSI-në, por nuk besoj se keni më shumë se unë, edhe mund të keni nuk e di. Ne e krijuam LSI-në për të shpëtuar procesin e inbtegrimit Europian që e bllokoi Fatos Nano për hajdutëritë e tij që e dinë gjithë shqiptarët dhe ishte rotacion që u realizua falë LSI-së që solli marrëveshjen e stabilizim asociimit në 2006-n. LSI bëri gjithçka për marrjen e statusit kandidat. Tani ka vetëm një rrugë referendumi. Vetëm referendumi është garancia që Shqipëria do të jetë e shqiptarëve. Nuk ka forcë në botë t’i blejë 3 milionë shqiptarë. Mos harroni atdheun, mos harroni se një gjimnaziste 16-vjeç nga Berati nga një nga famikljet më patriotike me kontribute të mëdha që nga shpallja e demokracisë, Margarita Tutulani shkruante në hartim: Më pyet shpesh vëllai më i vogël, që dëgjonte historitë e atdheut dhe të pushtuesve, motër po ç’na duhet atdheu? Eh vëllaçko i thotë je i vogël dhe nuk e kupton, por kur të rritesh do e kuptosh, atdheu na duhet që të jetojmë të lirë. Ju ftoj nga LSI-së në partinë e Lirisë, në partinë e Sovranitetit, në Partinë e Referendumit”, tha Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
