Emanuel Macron, presidenti i Francës, gjatë një vizite të zhvilluar në Ruanda tha se vendi i tij i ka kuptuar përgjegjësitë e gjenocidit të ndodhur atje në 1994, por nuk kërkoi falje.
"Duke qëndruar këtu, me përulësi dhe respekt, pranë jush, unë kam arritur të njoh përgjegjësitë tona," tha ai, duke shtuar se Franca "nuk ishte një bashkëpunëtore në gjenocid,”- tha Macron.
Për shkak të gjenocidit në Ruandë humbën jetën 800 mijë qytetarë vetëm për 100 ditë. Shumica e tyre ishin nga grupi etnik Tutsi.
Gjenocidi në Ruandë filloi midis prillit dhe korrikut të vitit 1994 pasi presidenti i Ruandës, Hutu Juvenal Habyarimana, me të cilin Parisi kishte kultivuar lidhje të ngushta, u vra kur avioni i tij u rrëzua në mënyrë misterioze mbi Kigali më 6 Prill.
Franca më 23 qershor 1994 në jugperëndim të vendit kishte filluar një operacion për të krijuar një zonë të sigurt për refugjatët. Por në vend që të pengonte gjenocidin, duke siguruar mbështetje me armë dhe municione për gjenocidbërësit, Franca pengoi përparimin e Frontit Patriotik të Ruandës.
Kryetari i Shtetit të Ruandës, Kagame akuzon Francën dhe Belgjikën si përgatitorët politikë të drejtpërdrejtë të gjenocidit, të ndikuarit e gjenocidit kanë ngritur padi në Francë dhe Belgjikë ndaj autoriteteve të këtyre vendeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
