Andi Rraja, një nga anëtarët e fisit Rraja nën hetim për dhunën ndaj kushërinjve Maja, i është drejtuar përmes një kërkese Gjykatës së Shkallës së Parë ku kërkon zbutjen e masës së sigurisë.
MCN TV ka siguruar kërkesën ku kërkohet zëvendësimi i masës së sigurisë nga “arrest me burg” në “detyrim paraqitje” pas akt-ekspertimit ligjor që vlerësoi se kemi të bëjmë me një “plagosje të lehtë me dashje”.
Kujtojmë që mjeku ligjor Elton Serani vlerësoi se dhuna e ushtruar nga fisi Rraja ndaj fisit Maja, nuk u kishte shkaktuar këtyre të fundit dëme të rrezikshme për jetën.
Ndërkaq dje Prokuroria e Tiranës ka kërkuar riekspertim mjeko-ligjor për dëmet në kokë dhe trup ndaj dy kushërinjve të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
