Super të pasurit duhet të paguajnë taksa më të larta. Ky është sugjerimi i njeriut të dytë më të pasur në botë. Në një intervistë për CNN, Bill Gates ka kritikuar reformën fiskale të propozuar nga presidenti Trump në SHBA. Themeluesi i “Microsoft”-it e quan regresive idenë e Trump-it për taksat.
“Nuk është legjislacion fiskal progresiv, por regresiv. U lejon njerëzve më të pasur të nxjerrin përfitime të jashtëzakonshme në krahasim me klasën e mesme apo më të varfrit. Është në kontrast të plotë me tendencën që do të donim të shihnim, që parashikon një rrjet më të fortë sigurie dhe taksa më të larta për ata që kanë më shumë para”, tha Gates.
I pyetur se çfarë mendimi ka për rritjen e pabarazisë në SHBA, Gates tha: “Është një problem me të cilin duhet të përballen të gjitha demokracitë në botë”. / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
