Këtë dimër, Rusia po përgatitet të nisë një sulm vendimtar energjetik ndaj të gjithë europianëve. Kështu deklaroi Presidenti i Ukrainës Volodymyr Zelensky në video-mesazhin e tij të mesnatës.
Këto ditë Rusia po përpiqet të rrisë edhe më shumë presionin energjetik mbi Europën, pasi pompimi i gazit përmes Nord Stream është ndalur plotësisht. Pse po e bëjnë këtë?
Rusia dëshiron të shkatërrojë jetën normale të çdo europiani, në të gjitha vendet e kontinentit tonë. Ajo dëshiron të dobësojë dhe frikësojë të gjithë Europën, çdo shtet.
Gazprom e justifikoi ndërprerjen pa afat të furnizimit me gaz nga Nord Stream me nevojën për riparim të tubacionit, teksa bën përgjegjës perëndimin dhe sanksionet e vendosura, për mungesën e pajisjeve të nevojshme për riparim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
