Protesta të dhunshme e kanë pasuar në Shkup marrëveshjen mes Zaev dhe Tsipras për ndryshimin e emrit të Maqedonisë. Në orët e mbrëmjes së të dielës, në kryeqytetin maqedonas pati përleshje të dhunshme mes policisë dhe protestuesve, të cilët tentuan të thyejnë kordonin policor para Kuvendit.
Forcat e ndërhyrjes së shpejtë përdorën gazin lotsjellës dhe bomba paralizuese për t’i shpërndarë demonstruesit. 25 protestues dhe 7 punonjës të policisë u lënduan.
Po ashtu, protesta ka pasur dje edhe në qytetin e Manastirit. Lideri i VMRO DPMNE-së, Hristijan Mickovski, ka kritikuar ashpër kryeministrin e Maqedonisë, Zoran Zaev, duke e quajtur “tradhtar të interesave kombëtare maqedonase”.
Ai ka thënë se partia e tij nuk do ta njohë kurrë marrëveshjen e arritur me Greqinë, duke paralajmëruar kështu bllokim në Kuvend, ku për ndryshimet kushtetuese nevojiten dy të tretat e votave, por edhe gjatë referendumit që pritet të mbahet në vjeshtë.
Marrëveshja e arritur të shtunën në Prespë e njeh Maqedoninë si Republika e Maqedonisë së Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
