Një person ka humbur jetën nga zjarret që kanë shpërthyer në Teksas.
Zjarri i madh, i cili u përhap pas erërave të forta dhe temperaturave të nxehta, ka djegur tashmë 344,000 hektarë.
Mediat e huaja raportojnë se zjarri në Smokehouse Creek, një zonë e njohur për kullotat e saj, është vetëm 3% nën kontroll.
“Në Stinnett, një 83-vjeçare vdiq nga zjarri”, tha një zyrtar i qarkut Hutchinson për mediat lokale të mërkurën në mbrëmje, duke shtuar se të paktën 20 ndërtesa atje janë shkatërruar.
Mediat lokale e konsiderojnë këtë zjarr si një ndër më të mëdhenjtë në historinë e Teksasit.
“Presidenti i SHBA Joe Biden po mbahet i informuar për situatën, me Shtëpinë e Bardhë në kontakt me autoritetet në vijën e parë të zjarrit”, tha zëdhënësja Karine Jean-Pierre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
