Plani i paqes i Kinës për Ukrainën mund të përdoret si bazë për t'i dhënë fund luftës, tha presidenti rus, Vladimir Putin, pas takimit me homologun kinez.
Putin e priti Xi Jinping të martën në Moskë për të diskutuar konfliktin dhe marrëdhëniet midis dy vendeve.
Putin tha se plani i paqes mund të paraqitet "kur të jenë gati për të në Perëndim dhe në Kiev".
Por plani i Kinës - i publikuar muajin e kaluar - nuk kërkon që Rusia të largohet nga Ukraina.
I publikuar muajin e kaluar, plani 12-pikësh bën thirrje për bisedime paqeje dhe respekt për sovranitetin kombëtar.
Ai dënon gjithashtu "sanksionet e njëanshme", në atë që shihet si një kritikë e mbuluar ndaj aleatëve të Ukrainës në Perëndim.
Ukraina ka insistuar që Rusia të tërhiqet nga territori i saj si kusht për çdo bisedim.
Dhe Sekretari amerikan i Shtetit, Antony Blinken, tha se thirrja për një armëpushim përpara se Rusia të tërhiqej "do të mbështeste efektivisht ratifikimin e pushtimit rus".
Në një konferencë të përbashkët shtypi pas përfundimit të bisedimeve me Xi në Moskë, Putin tha: "Shumë dispozita të planit të paqes kineze mund të merren si bazë për zgjidhjen e konfliktit në Ukrainë, sa herë që Perëndimi dhe Kievi janë gati për të. "
Por, shtoi ai, Rusia ende nuk kishte parë një "gatishmëri" të tillë nga ana tjetër.
Presidenti kinez tha se qeveria e tij ishte në favor të paqes dhe dialogut dhe se Kina ishte në "anën e duhur të historisë".
Ai përsëri pretendoi se Kina kishte një "pozicion të paanshëm" për konfliktin në Ukrainë.
Të dy homologët diskutuan gjithashtu për rritjen e tregtisë, energjisë dhe lidhjeve politike midis dy kombeve.
Ka shqetësime në rritje në Perëndim se Kina mund të sigurojë mbështetje ushtarake për Rusinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
