Në gjendje ende të pastabilizuar dy minorenët që shfrytëzoheshin si punëtorë ndërtimi në qendrën Megatek mbahen nën kujdesin e vazhdueshëm të mjekëve. Burime nga spitali i Traumës thanë për MCN se ata ende nuk kanë dalë nga reparti i reanimacionit për shkak të frakturave të shumta në trup. Dyshimet janë se rënia nga lartësia ka qenë tejet e rrezikshme për dy adoleshentët 16 dhe 17 vjeç, të punësuar në shkelje të ligjit dhe jashtë rregullave të Kodit të Punës. Në sheshin përpara qendrës Megatek qëndrojnë ende të ngritura skela që shërbejnë për punime në ndërtesa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
