Drejtuesi politik i PD në Elbasan, Gazmend Bardhi, thotë se procesi i numërimit në këtë qark po vonohet për shkak se PS nuk ka caktuar ende numëruesit e saj në KZAZ. Në një deklaratë për mediat nga Elbasani, Bardhi i bëri thirrje PS-së që t’i caktojë sa më shpejt.
“Dua të falënderoj çdo qytetar që besuan tek PD. U përkushtuan gjatë këtyre ditëve. Kam vetëm një apel të nisi procesi i numërimit. Ftoj PS që të caktojë numëruesit e saj në KZAZ. Dhe të jeni të sigurt që çdo qytetar ka ndezur një dritë shprese për familjen e tyre. Edhe një herë apeli ynë është të nisi sa më parë numërimi i qetë dhe korrekt”, tha Bardhi.
I pyetur për deklaratën e kundërshtarit Taulant Balla, që tha se PS ka fitoren më të lartë historike në këtë qark, Bardhi u shpreh:
“Nuk komentoj deklaratat e humbësve. Jam këtu për të falënderuar qytetarët e Elbasanit. Faleminderit që besuat në projektin tonë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
