Gratë prezantuese dhe reportere në kanalet televizive në Afganistan dolën në transmetim me fytyra të mbuluara ditën e sotme, sipas urdhrit të talebanëve.
Një ditë më parë, disa prej tyre kishin kundërshtuar dekretin dhe dolën të pambuluara.
Një prezantuese televizive tha se gratë që punonin në TV kishin rezistuar, por punëdhënësit e tyre ishin nën presion.
Pas marrjes së pushtetit vitin e kaluar, talebanët kanë vendosur gjithnjë e më shumë kufizime në jetën e grave në javët e fundit.
Të veshura me hixhabe dhe mbulesë që mbulonin fytyrën, gratë prezantuan dhe raportuan në buletinet e lajmeve dhe programe të tjera nëpër kanale të njohura si TOLOnews, Ariana Television, Shamshad TV dhe 1TV.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
