Kërkesë e paprecedentë për falje nga Forcat e Armatosura në Kolumbi, ku ushtria kolumbiane u ka kërkuar falje për herë të parë të afërmve të civilëve të vrarë nga ushtarët gjatë konfliktit të brendshëm.
Viktimat në atë kohë u paraqitën si “të rremë”, pasi vrasjet jashtëgjyqësore të civilëve të pafajshëm kaluan si guerrilas që vdiqën në luftime.
“Ne e kuptojmë se ka pasur akte të dhimbshme të kryera nga anëtarë të ushtrisë kombëtare që nuk duhet të kishin ndodhur kurrë”, tha komandanti i ushtrisë, gjenerali Luis Ospina, gjatë një ngjarjeje në Bogota, në prani të ministrit të Mbrojtjes, Ivan Velasquez.
“Ne ofrojmë faljet tona më të përzemërta dhe të sinqerta dhe kërkojmë falje”, shtoi gjenerali para audiencës, shumica dërrmuese e të cilëve ishin nënat e viktimave.
Ushtria e Kolumbisë luftoi grupet rebele të majta për dekada duke filluar nga vitet 1960 deri në arritjen e një marrëveshjeje historike me atë kryesore, të njohur si FARC, në vitin 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
