Patogjeni tjetër që do të shkaktojë një pandemi të re do të jetë virusi i gripit.
Ky është përfundimi që del sipas një sondazhi ndërkombëtar të mjekëve dhe shkencëtarëve.
The Guardian shkruan se detajet e këtij sondazhi do të zbulohen në kongresin e Shoqatës Evropiane për Mikrobiologjinë Klinike dhe Sëmundjet Infektive (ESCMID) në Barcelonë fundjavën e ardhshme
Siç theksoi në një studim Jon Salmanton-García nga Universiteti i Këlnit, ‘virusi i gripit po evoluon dhe po ndryshon vazhdimisht’.
Do të shkaktonte pandemi pak a shumë të kontrolluara , sepse shtamet e ndryshme që i shkaktojnë ato nuk janë mjaftueshëm virulente.
Sipas 21% të ekspertëve që morën pjesë në sondazh, shkaku tjetër më i mundshëm i një pandemie, pas gripit, do të jetë një virus ‘Sëmundja X’, ende i panjohur për shkencën . Mund të jetë një mikroorganizëm që do të shfaqet papritmas, ashtu siç bëri virusi Sars-CoV-2.
Disa shkencëtarë besojnë gjithashtu se Sars-CoV-2 do të mbetet një kërcënim . Kështu mendojnë 15% e shkencëtarëve të intervistuar, sipas të cilëve ky virus është shkaktari më i mundshëm i një pandemie në të ardhmen e afërt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
