Qindra qytetarë malazezë të revoltuar po kërkojnë dorëheqjen e ministrit të Brendshëm dhe drejtorit të policisë pas vrasjes së 12 njerëzve më 1 Janar në qytetin e Cetinjes.
4 persona mbetën të plagosur rëndë. Autori i vrasjeve, 45-vjeçari Aco Martinovic vrau veten teksa ishte i rrethuar nga policia.
Këtë të shtunë janë organizuar ceremonitë mortore të 12 viktimave përfshirë dy fëmijë të mitur. Protestuesit vendosën trëndafila në gardhin mbrojtës metalik përreth oborrit të selisë së Qeverisë në Podgoricë.
Menjëherë pas tragjedisë qeveria malazeze ka prezantuar masa më të rrepta në përdorimin e armëve nëpërmjet një ligj të ri.
Cilido që dëshiron të mbajë një armë do të duhet t’i nënshtrohet kontrolleve rigoroze përpara se të marrë lejen.
Nëse përdoruesit e armëve nuk kalojnë këto kontrolle, atyre do t’u anulohen lejet si dhe do t’u konfiskohen armët, tha kryeministri Milojko Spajic.
Qeveria nisi po ashtu fushatën ‘Respekto jetën, ktheje armën’ me afat dy mujor. Nëse qytetarët i kthejnë armët pa leje brenda asaj periudhe, nuk do të kenë pasoja ligjore. Kush nuk i kthen armët pa leje pas kësaj periudhe, do të dënohet rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
