Dy presidentët, ai i Kosovës dhe Serbisë, Hashim Thaçi e Aleksandër Vuçiç po marrin pjesë në Forumin e Paqes në Paris. Të dy mbrëmë kanë realizuar takime të ndara me Presidentin e Francës Emannuel Macron, por mediat serbe shkruajnë se shefi i shteti francez i ka ftuar dy zyrtarët nga Ballkani në një takim urgjent.
“Makron dëshiron të takohet me Vuçiçin e pastaj edhe në një takim të përbashkët me Vuçiçin dhe Thaçin” ka thënë një burim diplomatik për gazetën e Beogradit “Blic”, transmeton Telegrafi serb.
Sipas, Blicit serb, Vuçiq është larguar nga Paneli për multilateralizëm në kuadër të Forumit të Parisit.
Presidentët e Francës dhe Serbisë mbrëmë patën një takim dypalësh, gjatë të cilit biseduan për më shumë se një orë.
Macron më herët kishte përsëritur qëllimin e tij për të përfshirë Francën më drejtpërdrejt në dialogun Beograd-Prishtinë që është bllokuar për një kohë të gjatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
