Zbulohet në Tiranë një laborator në të cilën falsifikoheshin diploma të shkollave të mesme, universiteteve të ndryshme dhe licenca profesionale.
Gjatë operacionit të koduar “Laboratori”, u arrestua i dyshuari Abas Tafa, 51 vjeç.
Gjatë kontrollit të banesës së 51-vjeçarit, në Zall-Bastar, uniformat blu zbuluan një ambient të fshehtë, të kthyer në laborator për prodhimin dhe falsifikimin e diplomave të shkollave të mesme, universiteteve, programeve master dhe licencave profesionale.
Ndërkohë u sekuestruan qindra dokumente të dyshuara të falsifikuara dhe sende të tjera të kundërligjshme, që shërbenin për ushtrimin e kësaj veprimtarie kriminale.
Nga ana e hetuesve po punohet për identifikimin e personave të tjerë të përfshirë në këtë aktivitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
