Shkarkohet nga detyra zëvendëskomandanti i Forcës Detare, Artur Meçollari.
Vendimi për shkarkimin e tij është marrë nga ministrja Olta Xhaçka, pasi Meçollari nuk ka respektuar rregullat e sigurisë dhe ka shkelur statusin e ushtarakut dhe duke organizuar një event pa dijeninë e strukturave përkatëse.
Fjala është për organizimin e një ceremonie martese, e cila ndonëse nuk është zhvilluar, do të binte ndesh me rregulloret e forcave detare dhe Forcave të Armatosura, pasi hyrja e civilëve në një anije pa asnjë leje është e ndaluar.
Në bazë të procedurës, Mecollari, duhej të raportonte në strukturat respektive ushtarake.
Meçollari ka qenë pjesë e grupit negociator për marrëveshjen e detit dhe ka pasur përplasje publike me ish-kryeministrin Berisha, i cili e ka akuzuar për spiunazh.
Megjithatë, ai do të vijojë të jetë pjesë e Marinës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
