Radhë për të votuar në Himarë, 7 autobusë me emigrantë të ardhur nga Greqia

Në Himarë janë krijuar radhë në Qendrat e Votimit ku emigrantë të shumtë kanë ardhur nga Greqia me autobusë dhe makina private për të votuar.

Gazetarja e MCN Tv, Valbona Lila nga KZAZ 88 në Himarë raporton për interes të shtuar dhe shifra të larta pjesëmarrësish.

Ka pjesëmarrje të lartë të votuesve. Kanë ardhur emigrantë të shumtë nga Greqia me 7 autobusë.

Por edhe qytetarë të shumtë kanë ardhur me automjete personale u është premtuar se karburanti i makinës do u kompensohet.

Një përfaqësues i KZAZ deklaroi se radhët e krijuara në qendrat e votimit, vijnë për shkak të pjesëmarrjes së madhe të qytetarëve për të votuar, ndërkohë që shtoi se Pajisjet Elektronike të Identifikimit funksionojnë normalisht.

Kujtojmë se mesnatën mes të enjtes dhe të premtes kandidati i koalicionit “Bashkë Fitojmë” për bashkinë Himarë, Fredi Beleri u arrestua nën akuzën e blerjes së votave.