Rritja vjetore e pagave arriti një nivel të lartë në SHBA muajin e kaluar, pasi ekonomia krijoi më shumë vende pune sesa pritej.
Punësimet në sektorin e ndërtimtarisë dhe shërbimeve profesionale i kanë ndihmuar ekonomisë në rritjen e 201,000 vendeve të punës muajin e kaluar.
Në po të njëjtën kohë, fitimet mesatare për një orë punë janë rritur për 0.4 përqind muajin e kaluar, duke shënuar rritje në vlerën vjetore në 2.9 përqind, njëherësh më të madhen nga viti 2009.
Kjo rritje e pagave mund të rezultojë me një tjetër rritje të normave amerikane të interesit më vonë gjatë këtij muaji.
Përfaqësuesit e Rezervave Federale të Shteteve të Bashkuara, të cilët kanë rritur normat dy herë këtë vit, pritet të takohen më 25-26 shtator.
Shifra e punësimeve për muajin gusht ka qenë më e lartë në krahasim me 147,000 vendet e punës që janë krijuar në muajin korrik.
Ndërkohë niveli i papunësisë nuk ka ndryshuar, duke qëndruar në 3.9 përqind.
Sipas BBC, kjo është Amerika që ata kanë pritur prej kohësh.
Kur vjen puna te raporti i vendeve të punës në Shtetet e Bashkuara, për vite me radhë nuk ka qenë numri i vendeve të punës të krijuara apo papunësia në fokus, por misteri i rritjes së pagës amerikane.
Për gati një dekadë, pagat këtu kanë mbetur të pandryshuara edhe pse ekonomia amerikane u rikthye nga kriza financiare 2007-08 dhe tregu i aksioneve arriti nivele të reja.
Ky raport i vendeve të punës së muajit gusht tregon se fundi i disa lajmeve të mira po vjen për punëtorët amerikanë edhe nëse krijon një dhimbje koke të mundshme për Rezervën Federale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
