SHBA, gazetari dhe aktivisti vritet në shtëpinë e tij

Një gazetar dhe aktivist amerikan nga Filadelfia, Josh Kruger u vra në shtëpinë e tij.

Kruger u vra në orët e para të mëngjesit të së hënës dhe nuk u gjet asnjë armë dhe nuk pati asnjë arrestim.

39-vjeçari u qëllua shtatë herë në gjoks dhe bark në shtëpinë e tij në Point Breeze, një lagje në jug të Filadelfias dhe u shpall i vdekur në spital.

Kruger kohët e fundit ka mbuluar çështje të tilla si të drejtat e LGBTQ+, të pastrehët, HIV dhe varësia në botime për The Philadelphia Citizen dhe The Philadelphia Inquirer.

Sipas profilit të tij në LinkedIn, puna e Kruger është mbështetur në përvojat personale të të pastrehëve dhe të jetesës me HIV, si dhe duke përdorur mediat sociale si një platformë për të shkruar se si ai i mbijetoi varësisë.

Kruger gjithashtu punoi për qytetin e Filadelfias për pesë vjet, me departamentin e shëndetit publik, zyrën e shërbimeve të pastrehëve dhe zyrën e kryetarit.

“Jemi të tronditur dhe të pikëlluar nga vdekja e Josh-it”, tha kryebashkiaku Jim Kenney, ndërsa senatori i Pensilvanisë John Fetterman e quajti vdekjen e tij “një humbje shkatërruese”.