Gjermania i ka thënë kreut iranian të Qendrës Islamike të Hamburgut (IZH) të ndaluar së fundmi, se do dëbohet nga vendi dhe ka dy javë për t’u larguar, njoftuan të enjten autoritetet në Hamburg.
Ministria e Brendshme e qytetit gjerman të Hamburgut tha në një deklaratë se kishte informuar Mohammad Hadi Mofatteh se ka kohë deri më 11 shtator për t’u larguar ose përndryshe të dëbohet.
Mofatteh ndodhet në krye të IZH që nga vera e vitit 2018. Sipas gjetjeve të agjencisë së brendshme të inteligjencës së Hamburgut, ai ishte zëvendësi zyrtar i liderit suprem të Iranit, Ayatollah Ali Khamenei, në Gjermani si kreu i IZH deri vonë.
Llogaritë e mediave sociale të lidhura me IZH dhe uebsajtin e saj janë hequr në Gjermani pasi vendi ndaloi IZH dhe organizatat vartëse në korrik për “ndjekjen e qëllimeve radikale islamike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
