Në një lidhje Skype me edicionin e lajmeve në MCN TV, analisti Nexhmedin Spahiu komentoi ecurinë e raundit të dytë të zgjedhjeve lokale në Kosovë.
Janë shënuar incidente të vogla. Ka qenë nivel i kënaqshëm i ecurisë së zgjedhjeve. Kanë dalë disa exit polle, janë kontradiktore. Është pak e vështirë t’u besohet. Për pak do të kemi rezultatet finale, pasi votat llogariten më lehtë. Është e vështirë të përcaktosh fituesi, në shumicën e komunave, me përjashtim të Gjakovës. VV ka humbur mbi 67% të votuesve. Ajo ka më së shumit kandidatë në balotazh. Gjasat janë më të vogla.
Sa i përket Prishtinës, ku garojnë përballë njëri-tjetrit Arben Vitia i Vetëvendosjes dhe Përparim Rama i LDK-së, Spahiu veçoi programin e të dytit.
Kandidati i LDK ka pasur një program më të qartë, ka qenë më largpamës. Nëse zgjidhet dhe është i aftë ta zbatojë këtë program mbetet pikëpyetje. Prishtina ka pasur kualitet me këtë kandidat, pasi ka propozuar gjëra që i duhen Prishtinës. Të paktën edhe nëse nuk i zbaton ai, në një mandat tjetër do të gjendet dikush që i zbaton. Programi i tij ishte shumë i qartë, madje e kanë thënë edhe dy bashkëpunëtorë të Albin Kurtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
