Vetëkarantinohet personeli mjekësor që i shërbeu 61 vjeçares në Fier

Personeli mjekësor që i ka shërber 61 vjeçares në spitalin e Fierit është vetëkarantinuar.

Lajmi u konfirmua sot nga Drejtoresha e Institutit të Shëndetit Publik, Albana Fico, duke iu përgjigjur pyetjeve të gazetarëve.

“Personeli mjekësor që i ka shërbyer pacientes aq kohë sa ka qenë në spital është vetëkarantinuar”, u shpreh zonja Fico.

61 vjeçarja ndodhet në terapi intensive në spitalin e infektivit në Tiranë, ku ndodhet dhe një 66 vjeçar nga Lushnja.

Ndërkohë personeli mjekësor që i ka shërbyer të moshuarës në qytetin e Durrësit i vetëkarantinuar është testuar dhe ka dalë negativë.

Deri tani ka shkuar në 38 numri i personave të konfirmuar me koronavirus në Shqipëri.