Gazetari Blendi Fevziu i ftuar në emisionin "Të Paekspozuarit", teksa foli për emrin e ri të Presidentit u shpreh se Shqipëria sot ka nevojë për një Presidente grua.
Ai tha se Shqipëria duhet të ndjekë shembullin e Kosovës, për të zgjedhur një grua dinjitoze që të përfaqësojë vendin.
Ndërsa lidhur me aludimet se Basha mund të jetë kandidat për president, Fevziu tha se nuk e beson një skenar të tillë.
Pse duhet PS të negociojë për presidentin kur i ka votat e saj. Le të gjejë një personalitet të opozitës, apo të paanshëm i cili mund të jetë dhe më i besueshëm për publikun. E kam dëgjuar dhe variantin e Bashës por nuk e besoj këtë. Një person që humbi votat një muaj më parë, ti japësh President të Republikës... Në parim, posti i Presidentit nuk është kaq i rëndësishëm, por lidhet me një dinjitet të caktuar.
Unë gjykoj që Shqipëria ka ardhur koha të ketë një grua Presidente. Më e mira do të ishte të kishte një grua. Të mos ishte pjesëtare apo militante e Partisë Socialiste. Të gjejnë një personalitet. Kosova ka patur dy gra presidente. Jahjaga për shembull ka qenë shumë korrekte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
