Gjykata e Elbasanit ka vendosur masën “detyrim paraqitje” për Denis Hasallën, vëllain e deputetit socialist Saimir Hasalla, si dhe për shtetasin Bledar Cullhaj. Në një raportim për edicionin e lajmeve në Mcn Tv, reporterja Entela Duka bën me dije:
“Gjykata vendosi masën detyrim paraqitje për vëllain e deputetit socialist Saimir Hasalla, 38-vjeçarin Denis Hasalla. Të njëjtën masë detyrim paraqitje, Gjykata e Elbasanit dha edhe për shtetasin tjetër të arrestuar në fillim të javës, Bledar Cullhaj, të dy shtetas nga qyteti i Peqinit. 38-vjecari Denis Hasalla, vëllai i deputetit socialist Saimir Hasalla, ushtron edhe një detyrë në Bashkinë e Peqinit, ai rezulton të jetë mbikëqyrës i menaxhimit të mbetjeve urbane dhe drejtor kabineti. Ndërkohë që shtetasi Cullhaj, s’ka asnjë funksion, por gjatë kontrollit në banesën e këtij të fundit, ku në fokus ka qenë bashkëshortja e tij, specialiste në Bashkinë Peqin, ka gjetur armë të ftohtë. Në banesën e Hasallës, policia ka gjetur municion luftarak”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
