Mediat amerikane po raportojnë se Sekretari i Shtetit Blinken po planifikon të vizitojë Izraelin, pasi SHBA-të po bëjnë presion për një përparim në një raund të ri bisedimesh për armëpushim në Doha.
Sot tre ndërmjetësit në bisedime, SHBA, Egjipti dhe Katari, thanë se bisedimet në Doha ishin “serioze, konstruktive dhe të zhvilluara në një atmosferë pozitive”. Ata thanë se negociatorët do të takoheshin sërish në Kajro deri në fund të javës së ardhshme.
“Gjatë 48 orëve të fundit në Doha, zyrtarë të lartë nga qeveritë tona janë angazhuar në bisedime intensive si ndërmjetës me synimin për të përfunduar një marrëveshje për një armëpushim në Gaza dhe lirimin e pengjeve dhe të burgosurve. Këto bisedime ishin serioze, konstruktive dhe u zhvilluan në një atmosferë pozitive”, thuhet në deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
