Ministri i Jashtëm turk, Mevlut Cavusoglu, njoftoi se më 27 dhe 28 shkurt Turqia refuzoi lejen për 3 luftanije ruse të cilat kishin kërkuar të kalonin ngushticat e Bosforit dhe Dardaneleve, për në bazat ushtarake ruse të Detit të Zi.
“Rusët bënë një kërkesë për kalimin e 4 anijeve luftarake, por 3 prej tyre nuk ishin të regjistruara në portet e Detit të Zi dhe ne iu thamë se duhej të ktheheshin në bazat prej nga ishin nisur”, tha Çavusoglu.
Në bazë të dispozitave të Konventës së Montreux të vitit 1936, Turqia ka të drejtë të mbyllë kalimin në ngushticave të Bosforit dhe Dardaneleve për anijet luftarake të vendeve të përfshira në një konflikt në të cilin Ankaraja nuk është palë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
