Për mikrofonin e MCN TV, para sfidës Partizani-Bate Borisov, foli drejtori sportiv i të kuqve, Arbër Abilaliaj. Ai deklaroi se ka qenë një periudhë e ngarkuar për skuadrën, por shtoi se Partizani ka ndryshuar me trajnerin e ri. “Ka qenë një periudhë e ngarkuar. Ishte një periudhë e vështirë, jemi munduar të ndryshojmë shumë gjëra. Kemi ardhur në një moment, që përveç se nuk kemi ndeshje në këmbë, do shikojmë një Partizan ndryshe, më shumë kualitet dhe cilësi në fushë. Janë përgatitur disa variante për ndeshjen. Kemi marrë masat, në bazë të mënyrës së performancës së Bates në kampionat. Gjithçka do e shikojmë në fushën e lojës.”, deklaroi Abilaliaj. Sfida mes Partizanit dhe Bate Borisov, do të transmetohet live dhe ekskluzivisht në MCN TV.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
