Nënkryetari I LSI-së i është përgjigjur kryedemokratit Basha pas postimit që ky i fundit bëri në rrjetet sociale lidhur me rritjen e çmimit të ujit të pijshëm. Basha akuzoi këshilltarët e PDIU-së dhe LSI-së se iu bashkuan pazareve të Ramës, ndërsa Vasili i përgjigjet me akuza të tjera. Vasili thotë se PD u shit për kreditë e miqve të klientëve.
REAGIMI I VASILIT:
“Marrëveshja e turpit” e 18 majit, Basha-Rama, që shkatërroi zgjedhjet e 25 qershorit, vazhdoi edhe dje në Bashkinë e Tiranës. PD tundi dynjanë se gjoja nuk do të shkonte në mbledhje të këshillit bashkiak, ndërsa në realitet shkoi, sepse u shit për kreditë e shtëpive të miqve e klientëve dhe legjitimoi rritjen e çmimit të ujit dhe koncesionit të shkollave.
Çorba e gëlltitur në 18 maj nga PD dhe Basha, vazhdon të villet përditë duke dëmtuar rëndë interesat e qytetarëve të thjeshtë, siç u bë bashkëfajtore në blerjen dhe vjedhjen e votës edhe në 25 qershor
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
