Marrëveshja jonë me Kinën është arritur, me kusht miratimin përfundimtar të Presidentit XI dhe meje. Kina do të sigurojë të gjithë magnetët dhe mineralet e rralla të nevojshme. Po kështu, ne do t’i ofrojmë Kinës atë për të cilën është rënë dakord, duke përfshirë vizat për studentët kinezë që përdorin kolegjet dhe universitetet tona gjë që gjithmonë më ka pëlqyer!
Një mesazh i tillë u shkrua nga Presidenti amerikan Donald Trump në rrjetin social Truth.
Sa i përket tarifave, nuk është e qartë se cilat janë kushtet e sakta të marrëveshjes.
Trump shkroi në postim: “Ne do të marrim gjithsej 55% të tarifave nga Kina dhe Kina do të marrë 10%.”
Marrëveshja e arritur do t’i lërë detyrimet në të njëjtin nivel me ato të vendosura javët e fundit në Gjenevë, kur SHBA-të u zotuan të ulin tarifat për mallrat “Made in China” në 30% dhe për Kinën në 10%, konfirmoi një zyrtar i administratës për Wall Street Journal.
Tarifat prej 55% ndaj Kinës për të cilat flet Donald Trump në postimin e tij në Truth, ku njofton marrëveshjen, janë shuma e tarifave të Gjenevës (20% për fentanilin, tarifat prej 10% të aplikuara për të gjitha vendet) dhe ato të aplikuara nga presidenti ndaj Pekinit gjatë mandatit të tij të parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
