Sipas dokumenteve të publikuara të hënën, qeveria e Groenlandës po shkon drejt ndalimit të donacioneve politike nga jashtë, mes shqetësimeve për ndikimin e huaj në zgjedhjet e saj të ardhshme dhe qëllimit të deklaruar të presidentit amerikan Donald Trump për të aneksuar ishullin.
Trump ka shprehur vazhdimisht interes për marrjen e territorit të pasur me burime, pavarësisht refuzimeve nga udhëheqësit e Danimarkës dhe të Groenlandës. Në fillim të muajit të kaluar, ai tha se nuk do ta përjashtonte përdorimin e forcës ushtarake për të aneksuar ishullin.
Parlamenti i Groenlandës propozoi projektligjin të hënën, me synimin për të mbrojtur zgjedhjet e përgjithshme të ishullit në prill nga ndërhyrjet e mundshme.
Qeveria në Nuuk po bën presion për një votim urgjent parlamentar që do të kryhet të martën, sipas gazetës grenlandeze "Sermitsiaq".
Ligji i ri pritet të forcojë rregullat në lidhje me donacionet dhe për të mbrojtur integritetin politik të ishullit.
Projektligji duhet të konsiderohet “në kontekstin e interesave gjeopolitike në Groenlandë dhe situatës aktuale, ku përfaqësuesit e një superfuqie aleate kanë shprehur interes për marrjen dhe kontrollin e Groenlandës”, thuhet në dukument.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
